'' ಪ್ರತೀಕ್ಷೆ ''

ಯಮುನೆ ಹರಿಯುತಿದ್ದಾಳೆ 

ನಿಶ್ಯಬ್ದವಾಗಿ, 

ಬಳುಕಿ  ಹರಿಯುವ ಲಾಸ್ಯವಿಲ್ಲ...,

ಕಲರವ ಕೊರಗಾಗಿದೆ.

ದಡದ ಮೇಲಿನ ಕದಂಬ ಮರ 

ಕದಲದೆ ನಿಂತಿದೆ, 

ಸೂಸದೆ ಪರಿಮಳವ 

ಮೋಹನ ಕೊಟ್ಟ ಮಾತಿಗೆ ಸಾಕ್ಷಿಯಾಗಿ,

ಬೆಳದಿಂಗಳು ಮಂಕಾಗಿದೆ 

ಬೇಗೆಯಿಂದ, 

ರಾಧೆಯ ಹೃದಯದಿ ಅರಳಿದ  ಪ್ರೀತಿಗೆ

ಕಾರಣ ನಾನಾದೆನೆಂದು....!  

ಹಣತೆ ಹಚ್ಚಿಟ್ಟು ಕಾಯುತಿಹಳು ರಾಧೆ

ಮೋಹನನಿಗಾಗಿ, 

ಕಣ್ಣೀರ ಹನಿ ಹೊಳೆಯಾಗಿ ಹರಿಸಿ 

ವಿರಹದಿಂದ....,

ಅದೆಷ್ಟೋ ಹುಣ್ಣಿಮೆ ಬಂದವು 

ಕರಗಿ ಹೋದವು ಕಾರಿರುಳಲ್ಲಿ 

ಮುರಳಿ ಮೋಹನ ಮಾತುಕೊಟ್ಟಿದ್ದಾನೆ

 '' ಬಂದೇ ಬರುತ್ತೇನೆಂದು ''

ಯಾರಾದರು ಕಂಡಿರ, ಗೋಪಾಲನ....?

ರಾಧೆ ಈಗಲೂ ಕಾಯುತಿಹಳು 

ನೋಡಿರಲ್ಲಿ....,  ಕದಂಬದ ಮರಕ್ಕೊರಗಿ  ಕುಳಿತಿಹಳು.....!!